Maneha bo asuntonan bancario responsabel
Con pa maneha bo finanzas durante e impacto di Coronavirus
E brote di Coronavirus ta trece incertidumbre den nos economia y den nos manera di mantene nos mes. Durante e temponan incierto aki por ta cu bo mester traha menos, enfrenta caida den entrada pasobra bo dunador di trabao mester retira bo temporalmente o reduci bo oranan di trabao. Ta pesey ta importante pa maneha bo finanzas responsablemente y prepara bo mes pa e siman o lunanan nos dilanti.Cosnan cu bo por haci awor mes pa maneha bo finanzas
E situacion encuanto e epidemia di Coronavirus ta cambia rapidamente, sea sigur cu bo ta al tanto di e situacion mas reciente segun DVG (Directie Volks Gezondheid) y e Ministerio pa medida di ayudo disponibel.Si ta posibel, trata di pone algun placa un banda den caso di perdida o reduccion di entrada. Bo lo mester wak tambe ki gasto bo tin y averigua e mihor manera pa paga nan a corto plazo. Sigui e pasonan aki.
Paso 1. Traha un presupuesto di emergencia
Identifica ki entrada bo tin (y otronan den bo hogar). Bo entrada di bo salario, di bo negoshi, pension o diferente otro fuente.Identifica na kico bo ta gasta placa.
Bo lo tin gasto fiho tur luna manera bo hipoteca o huur, seguro, recibo di utilidad, cuminda y cuido di mucha. Sea sigur cu bo ta pone tambe gastonan variable, esakinan ta gasto cu ta varia dependiendo di e luna, manera contribucion di scol, gasto di dentista, impuesto riba auto, etc.
Priorisa bo gastonan y wak si bo por yega na areglo di pago, o trata di baha bo gastonan.
Paso 2. Sigui bo gastonan
Mantene pista di bo gastonan di dia pa dia, asina cu bo no ta gasta mas cu bo tin actualmente.Revisa bo statementnan di banco di ultimo par di luna, mira unda talvez bo por baha bo gastonan. Bo por mira bo statementnan online usando Aruba Bank Online y usa e Aruba Bank App pa check bo saldo y sigui bo gastonan haci. Siguiendo bo gastonan probablemente lo bo gasta menos na cos cu no ta asina necesario pa abo y bo famia den e actual situacion.
Paso 3. Busca manera pa baha gasto
Pa yuda pa bo actual entrada yega mas leu, trata di kita gasto no esencial di bo budget.Cu e actual medidanan di ‘Shelter in place’, mester ta facil pa corta gasto di diberticion. Pero bo por ta inteligente cu bo gastonan di cuminda.
Por ta cu bo mester corta bastante gasto pa bo por maneha den e proximo simannan.
Esey por ta duro, pero lo bo ta contento unavez esaki ta tras di lomba!
Paso 5. Papia cu esnan cu bo debe
Si bo tin problema pa paga bo hipoteca, credit card o recibo di utilidad pa motibo di perdida di trabao o entrada, anto comunica cu e companianan pa posibel opcion di ayudo o plan di pago.Yama nos Contact Center na 527-7777 durante ora di trabao, si bo mester discuti bo hipoteca, aseguro, prestamo o pago di credit card, debi na perdida di trabao o entrada.
Wak pa dilanti y keda saludabel
Tin incertidumbre encuanto con largo e brote lo dura, con malo cos por bira, ki momento economia lo recupera y hopi mas variable.E cosnan importante pa haci awor ta maneha bo finanzas responsablemente y corta gasto no esencial unda cu bo por. Pero no lubida cu loke realmente ta importante – bo salud y salud di e hendenan pa ken bo ta preocupa.
Noticia Corona
Nos lo brinda bo cu informacion nan actual y up to date relata na nos servicionan riba nos pagina di COVID-19 noticia y updatesLesa e mas nobo di noticia Corona